Dënohet me burgim të përjetshëm nga drejtësia greke Florand Shehu. Ai ka vrarë gruan e tij Anisa Shehu në 21 korrik të vitit të kaluar. Ngjarja e rëndë ndodhi në banesën e tyre në Greqi.
40-vjeçari e goditi me thikë bashkëshorten 31-vjeçare duke e lënë të vdekur pas një sherri për motive xhelozie. Fqinjët e tyre shpesh kishin denoncuar në polici për dhunën që autori ushtronte ndaj viktimës.
Rasti i fundit kishte qenë disa ditë para krimit makabër, kur policia nuk ishte ngjitur në apartament për të kontrolluar situatën por kishte vetëm një patrullë në zonë.
