Regjimi i Iranit ka kërcënuar futbollistët e ekipit kombëtar dhe familjet e tyre. Në Kampionatin Botëror “Qatar 2022”, SHBA do të përballen sot me Iranin në orën 21:00. Në një lojë që duhet të fitojnë amerikanët për të avancuar më tej. Irani kalon në fazën eleminatore me një fitore ose barazim.
Irani është përballur me protesta të vazhdueshme për më shumë se dy muaj. Kjo pasi 22-vjeçarja Mahsa Amini (aka Jina Amini) dyshohet se u vra në një stacion policie pasi u arrestua për mosmbajtjen e hixhabit “korrekt”. Kombëtarja ka qëndruar në krah të protestuesve. Para ndeshjes kundër Anglisë, ajo qëndroi në heshtje gjatë himnit kombëtar të vendit, duke refuzuar të këndojë.
“Kushtet në vendin tonë nuk janë të përshtatshme dhe njerëzit tanë nuk janë të lumtur”, tha kapiteni Ehsan Hajsafi para gazetarëve pas ndeshjes. Hajsafi tha gjithashtu se familjet e viktimave “duhet ta dinë se ne jemi me ta, i mbështesim dhe i simpatizojmë”.
CNN raportoi të hënën se familjet e skuadrës iraniane janë kërcënuar me burg dhe torturë. Nëse lojtarët nuk fitojnë kundër Shteteve të Bashkuara.
Trajneri amerikan Gregg Berhalter dhe kapiteni i ekipit Tyler Adams u sulmuan nga gazetarët iranianë në konferencën për shtyp.
I pyetur për politikën në Iran, Berhalter u përgjigj: “Unë nuk di mjaftueshëm për politikën, unë jam një trajner futbolli”.
Berhalter trajtoi gjithashtu polemikën që shpërtheu në mediat sociale gjatë fundjavës kur US Soccer postoi një version të flamurit iranian. Në të cilin stema e Republikës Islamike ishte fshirë.
Trajneri tha se ai, stafi i tij dhe lojtarët e tij “nuk e kishin idenë se çfarë po bënte US Soccer”. Postimet u fshinë më vonë.
“Gjithçka që mund të bëjmë në emrin tonë është të kërkojmë falje, por kjo nuk është diçka për të cilën kishim njohuri, ” tha Berhalter.
Një gazetar iranian i tha Adams se ai e shqiptoi gabimisht “Iran” dhe pyeti liderin për faktin se ai “përfaqëson një vend që diskriminon kaq shumë kundër zezakëve”.
“Kërkoj falje për shqiptimin e gabuar të vendit tuaj, ” tha Adams. “Ka diskriminim kudo që shkon. Një gjë që kam mësuar, veçanërisht duke jetuar jashtë vendit vitet e fundit. Dhe që duhet të përshtatem me kultura të ndryshme dhe të asimilohem në kultura të ndryshme, është se në SHBA ne vazhdojmë të bëjmë përparim çdo ditë.”
