Deputeti i Partisë Socialiste Erion Braçe ka propozuar dje një amendament në seancën maratonë në Kuvend që zgjati 14 orë. Por, ish-zv.kryeministri nuk ka arritur të gjejë mbështetjen e kolegëve të tij. Ai propozoi që mbështetur në nenin 75, pika 3 të Rregullores së Kuvendit të Shqipërisë në projektligjin ‘Për një shtesë dhe disa ndryshime në ligjin nr.92/2014, “Për tatimin mbi vlerën e shtuar në Republikën e Shqipërisë”, të ndryshuar”, të bëhet shtesa e mëposhtme:
Pas pikës 40, të nenit 56 Përjashtime të veçanta në import, shtohet pika 40/1 me këtë përmbajtje:
40/1.Importimi i mëshqerrave të mbarsura.
Amendamenti i tij gjeti mbështetje dhe tek opozita, por ishin vetë kolegët e grupit socialist që e rrëzuan.
Pro amendamentit kanë votuar vetëm deputetët e PS-së Fatmir Xhafaj, Mimi Kodheli, Damian Gjiknuri, Nasip Naço dhe Eduart Shalsi, si dhe deputetët e opozitës. Mirëpo, në fund shumica e votoi kundër.
Ndërkohë menjëherë pas kësaj situatë, Braçe ka bërë një postim, i cili duket më tepër edhe si një paralajmërim. Mesazhi pak pas mesnate ka ngjallur dyshime për një largim të mundshëm nga politika.
Braçe ka postuar një foto të tijën në Kuvend, teksa shkruan: “KOHA PER PUNE TJETER!”.
Nuk dihet nëse Braçe e ka fjalën për një tjetër mision të tijin në politikë, apo për një profesion tjetër.
Deputeti i Partisë Socialiste Erion Braçe ka propozuar dje një amendament në seancën maratonë në Kuvend që zgjati 14 orë. Por, ish-zv.kryeministri nuk ka arritur të gjejë mbështetjen e kolegëve të tij. Ai propozoi që mbështetur në nenin 75, pika 3 të Rregullores së Kuvendit të Shqipërisë në projektligjin ‘Për një shtesë dhe disa ndryshime në ligjin nr.92/2014, “Për tatimin mbi vlerën e shtuar në Republikën e Shqipërisë”, të ndryshuar”, të bëhet shtesa e mëposhtme:
Pas pikës 40, të nenit 56 Përjashtime të veçanta në import, shtohet pika 40/1 me këtë përmbajtje:
40/1.Importimi i mëshqerrave të mbarsura.
Amendamenti i tij gjeti mbështetje dhe tek opozita, por ishin vetë kolegët e grupit socialist që e rrëzuan.
Pro amendamentit kanë votuar vetëm deputetët e PS-së Fatmir Xhafaj, Mimi Kodheli, Damian Gjiknuri, Nasip Naço dhe Eduart Shalsi, si dhe deputetët e opozitës. Mirëpo, në fund shumica e votoi kundër.
Ndërkohë menjëherë pas kësaj situatë, Braçe ka bërë një postim, i cili duket më tepër edhe si një paralajmërim. Mesazhi pak pas mesnate ka ngjallur dyshime për një largim të mundshëm nga politika.
Braçe ka postuar një foto të tijën në Kuvend, teksa shkruan: “KOHA PER PUNE TJETER!”.
Nuk dihet nëse Braçe e ka fjalën për një tjetër mision të tijin në politikë, apo për një profesion tjetër.
