Këngëtari i njohur i repit, Trannos, 22 vjeç, është arrestuar mëngjesin e sotëm në zonën e Omonias së bashku me tre persona të tjerë, të akuzuar për armëmbajtje pa leje. Vihet re se këngëtari është arrestuar me të njëjtën akuzë, më 31 maj 2022, në Burnazi.
Lexo edhe: Sulmi ndaj Kurtit, reagon Rama
Sipas ELAS-it, oficerët e Policisë së Veprimit të Menjëhershëm ndaluan pak pas orës 4 të mëngjesit për kontroll në rrugën Iakchou në Omonia, një automjet tip foristradë, në të cilin udhëtonin katër persona, këngëtari, një 31-vjeçar grek dhe dy shqiptarë, 32 dhe 37 vjeç.
Gjatë kontrollit, brenda mjetit u gjet një pistoletë, për të cilën nuk kishte leje posedimi të ligjshëm. Menjëherë më pas janë arrestuar të katër personat që e shoqëronin, ndërsa pistoleta është konfiskuar.
Të arrestuarit do të dërgohen në Prokurorinë Publike.
