Polemikat në Gjermani nuk shuhen pas humbjes së kombëtares gjermane në ndeshjen e hapëse të Botërorit në Katar. Përfaqësuesja e Flick u mund 2-1 nga Japonia në rikthim.
“Jam ende pak i tronditur sepse kjo ndeshje, ashtu siç është luajtur, shumë shpesh del fitues”, tha Thomas Muller në fund të ndeshjes.
Sulmuesi u bë protagonist në një debat me gazetaren gjermane, e cila e pyeti nëse ishte i bindur se Gjermania kishte dominuar vërtet.
“Nuk e di çfarë ndeshje keni parë – tha Muller – por mendoj se ishim në dominim për 75 minuta, pastaj është e qartë që nuk arritëm ta kontrollonim dhe pësuam dy gola, por bëmë një ndeshje të mirë. Intensive dhe nuk i lamë asgjë rastësisë”.
Kur gazetarja kërkon llogari për mungesën e intensitetit, Muller i përgjigjet sërish: “Ajo që duhet të thoni shumë qartë është se ne kemi qenë të paefektshëm, si përpara në mbylljen e rasteve, ashtu edhe në prapavijë. Është e vështirë të fitosh një ndeshje ku i bën këto gabime”.
