Autoriteti Rrugor Shqiptar (ARRSH) ka treguar se si është situata me rrugët, pas reshjeve të shiut dhe përmbytjeve që kanë pushtuar vendin ditët e fundit.
ARRSH shkruan se sot ka pasur një rënie të intensitetit të shirave. Në Malësinë e Madhe vetëm aksi Dedaj-Razëm vazhdon devijimin për rrugën alternative. ARRSH u ka bërë apel shoferëve që të udhëtojnë me kujdes dhe të ulin shpejtësinë.
Lexo edhe: “Tregoni kujdes”/ Dëbora në veri, ARRSH thirrje shoferëve
Njoftimi:
Gjatë natës dhe në orët e para të mëngjesit ka rënë intensiteti i reshjeve të shiut në të gjithë vendin duke sjellë një qetësim të situatës
Për momentin vetëm në aksin Dedaj-Razëm vazhdon devijimi për në rrugën alternative.
Kontraktorët me mjete e punëtorë janë në terren për të mbajtur qarkullimin në normalitet
Tregoni kujdes të shtuar gjatë drejtimit të mjetit në kohë me shi, ulni shpejtësinë, respektoni sinjalistikën dhe udhëzimet e Policisë Rrugore.
