Sulmuesi shqiptar e ndihmoi sezonin e kaluar Vaduzin, skuadrën nga Lihtenshteini, për të qëndruar në Superligën zvicerane, ndërsa tani do të kthehet për t’i ndëshkuar përfaqësuesen
Sipas kalendarit, ndeshja e dytë e Kombëtares tonë do të luhet në transfertën e Lihtenshteinit, kundër skuadrës më modeste të grupit, e cila ndeshjen e parë ndaj Spanjës e humbi me rezultatin e thellë 8-0. Interesant është fakti që takimi do të luhet në Vaduz, që është edhe shtëpia e bomberit tonë, Armando Sadiku. Në edicionin e kaluar, klubi i Zurihut që ka ende në pronësi kartonin e sulmuesit elbasanas, e huazoi tek Vaduzi, pasi sulmuesi ynë nuk bënte më pjesë në planet e trajnerit. Ndërsa Sadiku e ndihmoi skuadrën modeste t’i shpëtonte rënies dhe si për ironi të fatit, një nga ekipet që u larguan në fund të kampionatit nga Superliga e Zvicrës ishte pikërisht Zyrihu.
Armando Sadiku gjatë edicionit të kaluar, me uniformën e Vaduzit
Për të saktësuar duhet thënë, që Vaduzi është një skuadër nga Lihtenshtejni, por që bën pjesë në kampionatin zviceran, ndërsa ndeshjet e kupës i luan në Lihtenshtein. Skuadra jonë do ta zhvillojë transfertën e parë në “Rheinpark Stadion”, që është edhe Stadiumi Kombëtar i Lihteinshteinit dhe ky do të jetë impianti më i vogël ku kuqezinjtë kanë luajtur një ndeshje zyrtare kualifikuese. Kapaciteti i tij është 7584 vende, ndërkohë që Federata Shqiptare e Futbollit ka kërkuar të paktën 1500 bileta, pjesën më të madhe të të cilave do t’ia kalojë për t’i menaxhuar grupimit “Tifozët Kuqezi”.
