Notari amerikan Ryan Lochte është pezulluar për 10 muaj nga garat, pas mashtrimit që bëri me policinë, gjatë kohës që ndodhej në Lojërat Olimpike “Rio 2016”. Fituesi i 3 medaljeve në Olimpiadën braziliane (dy ari e një argjendi), deklaroi se ishte dhunuar e vjedhur teksa po kthehej me taksi në Fshatin Olimpik.
Por pamjet filmike treguan të kundërtën, se kishte qenë Lochte ai që kishte shkaktuar dhunë në një pikë karburanti. Notari amerikan Ryan Lochte Kur policia vendase nisi hetimin vërtetoi mashtrimin e notarit, që ishte kthyer në vendlindje, ndërkohë që u nxorr edhe një urdhër arresti.
Por ishte Komiteti Olimpik Ndërkombëtar (IOC) ai që mori në dorë çështjen dhe sot, komisioni i etikës, vendosi ta pezullojë me 10 muaj nga çdo garë notarin amerikan. Për pasojë, Lochte do të mungojë në garat e Botërorit që zhvillohen gjatë 2017-ës. Sipas IOC, Lochte shpallet fajtor për mashtrim, ndaj dhe është marrë ai dënim.
/telesport.al/
