Personi që shihni në foto është Briken Sanaj, 39-vjeçari që u ekzekutua me breshëri kallashnikovi mesnatën e djeshme. Ngjarja e rëndë ndodhi te “Kodra e Diellit” në kryeqytet ku Sanaj prej më shumë se një viti ishte rezident dhe njihej nga roja private zonës si Anton Gjini. Disa orë pas vrasjes, një automjet u gjet nga policia në Qafë Kashar. Sipas policisë, bëhet fjalë për automjetin që u përdor nga ekzekutorët e 39-vjeçarit.
Ekzekutimi i Sanaj ka ndodhur në vetëm pak sekonda, ku autorët kanë qenë në një automjet tip “Benz” në lëvizje. Ata janë afruar pranë 39- vjeçarit kanë hapur xhamin e pasmë të makinës dhe kanë qëlluar me breshëri kallashnikovi, ndërsa Sanaj gjeti vdekjen pasi dy plumba e kapën në fytyrë.
Theksojmë se pak pas raportimit të vrasjes, autorët dyshohet se kanë djegur mjetin, e cila u gjet nga polica në zonën e Qafë Kasharit bashkë me një armë tip kallashnikov brenda. Nga hetimet e deritanishme, gijotina.com mëson se mjeti rezulton i vjedhur çka shton ndryshimet për një atentat të mirëogranizuar nga autorët.
