Boris Johnson dhe Rishi Sunak kanë zhvilluar diskutime deri në orët e vona të natës duke nxitur spekulimet për një marrëveshje në lidhje me garën për pasuesin në detyrën e kryeministrit të Liz Truss pasi kjo e fundit dha dorëheqjen pas vetëm 44 ditësh në detyrë.
Asnjëri nga të dy nuk janë deklaruar zyrtarisht për të hedhur kandidaturën pas dorëheqjes së Truss. Për t’u përfshirë në fletën e votimit kandidatët për kryeministër duhet të sigurojnë mbështetjen e të paktën 100 deputetëve konservatorë.
Deri më tani, nga deklaratat e bëra publikisht Sunak e ka tejkaluar këtë prag me 121 mbështetës ndërsa aleatët e Johsnon mendojnë se dhe ai ka numrin e nevojshëm të votave për të kandiduar.
Megjithatë nga raporti i mediave britanike rezulton se deri tani vetëm 56 deputetë kanë konfirmuar se do ta mbështesin fushatën e tij për të qenë kryeministër për herë të dytë.
Një nga mbështetësit e Sunak, Richard Holden, hodhi poshtë pretendimet se Johnson kishte 100 deputetë që e mbështesnin.
I vetmi person që ka shpallur kandidaturën për kryeministër, udhëheqësja e Commons Penny Mordaunt, ka marrë 23 miratime nga mbështetjet publike dhe duket se është ende shumë larg kandidimit zyrtar. Konkursi është përshpejtuar pas dorëheqjes së Liz Truss si kryeministre dhe nominimet për fletën e votimit do të mbyllen nesër pasdite në orën 14:00.
