Deputeti i Partisë së Lirisë Petrit Vasili deklaron se rilindasit në pushtet e opozitë nuk votuan hapjen e dosjeve, por ngjalljen e Autoritetit të vetëvrare të Manipulimit të tyre. Vasili publikon prononcimin e shkrimtare së persekutuar Vera Bekteshi e cila thotë se prej më shumë se një viti ka bërë kërkesë për dosjen e saj, por nuk ka marrë asnjë përgjigje nga Autoritetit.
Rilindasit në pushtet e opozitë nuk votuan fare hapjen e dosjeve, por ngjalljen e Autoritetit të vetëvrarë të Manipulimit të Dosjeve!!(VIDEO). Rilindja dhe rilindasit me mëditje në opozitë, votuan të enjten në mesnate, me urdhër të një emaili anonim të sigurimit, disa ndryshime jo e jo për hapjen e dosjeve, por për të ringjallur Autoritetin e vdekur të Manipulimit të Dosjeve, që u vetëvra në 26 korrik të këtij viti pasi dështoi në mënyrën më të turpshme në manipulimin mafioz kundër Ilir Metës. E para. Për t’i dhënë fund talljes dhe mashtrimit me të përndjekurit politike. Të gjithë të përndjekurit politikë duhet t’a dinë të vërtetën, pra që dosjet nuk hapen fare. Ata duhet t’a dinë se paçavurja që votuan rilindasit në pushtet dhe opozitë e thotë e zeza mbi të bardhë, që është vetëm Autoriteti i Manipulimit të Dosjeve, i cili do të vendosë për secilin nëse hapet dosja dhe nëse i jepet apo jo informacioni i kërkuar”, shkruan Vasili.
Ai shkruan se dhimbja e thellë e të përndjekurve politikë u përdor thjesht si plaçkë tregu për pazarin e qelbur mes rilindasve në pushtet dhe rilindasve në opozite, që u vunë në lëvizje në një dite vape të korrikut dhe për turp e faqe të zezë me urdhrin e e-mailit të Sigurimit të Shtetit dhe e gjitha kjo tollovi vapë behari vetëm për shkak se Edi Ramës i hyri lepuri në bark se Ilir Meta krijoi dhe drejton Partinë e Lirisë.
“E dyta. Dhimbja e thellë e të përndjekurve politike u përdor thjesht si plaçkë tregu për pazarin e qelbur mes rilindasve në pushtet dhe rilindasve në opozitë, që u vunë në lëvizje në një ditë vape të korrikut dhe për turp e faqe të zezë me urdhrin e emailit të Sigurimit të Shtetit, të atij Sigurimit që edhe sot kontrollon fatet e atyre, që i vrau, i persekutoi dhe i internoi dhe e gjitha kjo tollovi vapë behari vetëm për shkak se Edi Ramës i hyri lepuri ne bark se Ilir Meta krijoi dhe drejton Partine e Lirise. E treta. Rilindasit ne pushtet dhe rilindasit me meditje ne opozite votuan vetëm pro Autoritetit te Vdekur te Dosjeve, qe ne 26 korrik tregoi fytyren si zorre qorre e Qeverise kur manipuloi e shkeli çdo ligj, qe konsumoi vepra penale pa fund, qe prodhoi 7 vendime mafioze te manipuluara ne nje dite, kur prodhoi deri edhe gjeneralitet false, kur manipuloi te vertetat, qe nuk i luan as topi dhe qe ulerasin me dokumente shkresore te shkruara me shkrim dore. E katerta. Autoriteti i Manipulimit te Dosjeve është sot nen akuze me fakte, prova e dokumente dhe asnjë alibi politike apo juridike e deshperuar nuk e shpëton dot nga dënimi. E pesta.Sot e kesaj dite ky Autoritet i Manipulimit te Dosjeve nuk iu jep për muaj e vite as përgjigje për informacionin e kërkuar as te përndjekurve politike, rasti i Zj.Vera Bekteshi e përndjekur politike, intelektuale dhe shkrimtare e njohur, nuk ka nevoje për koment. Çfarë talljeje, e pra ky Autoritet i degraduar i Manipulimit te dosjeve do te vendose për hapjen e dosjes se çdo te përndjekuri politik. E gjashta. Autoriteti i Manipulimit te Dosjeve sot qelbet erë ne mënyre me te neveritshme se Sigurimi Shtetit dje dhe kërkohet te përdoret nga rilindja si instrument për te vrare pluralizmin, për te shantazhuar çdo kundërshtar qe tregon vjedhjet dhe grabitjet e miliarda eurove nga pushteti”, shkruan Vasili.
