Dhomat e Specializuara të gjykatës së Hagës kanë lënë në paraburgim ish-kryetarin e Kuvendit të Kosovës, Kadri Veseli.
Gjykata Speciale ka konfirmuar vendimin me anë të një njoftimi zyrtar ku thekson se arsyet e lënies në paraburgim janë rreziku i arratisjes, ndikimit te dëshmitarët dhe shkatërrimi i provave.
Veseli me anë të avokatëve mbrojtës kishte kërkuar lirim nga paraburgimi për të vazhduar gjykimin ndaj tij në arrest shtëpie, kërkesë kjo që ju refuzua nga Gjykata Supreme.
Prokuroria Speciale ka rënduar akuzat ndaj katër ish-zyrtarët e lartë të Ushtrisë Çlirimtare të Kosovës. Në dokumentin e dorëzuar nga organi i akuzës në Gjykatën e Hagës, ata akuzohen se u kanë hequr lirinë të paktën 12 personave në periudhën 4 korrik 1998 – 29 prill 1999. Akuza ndaj tyre për krime lufte shtrihet midis marsit të vitit 1998 dhe shtatorit të vitit 1999.
Hashim Thaçi, Kadri Veseli, Rexhep Selimi dhe Jakup Kransiqi po mbahen në paraburgim nga nëntori i vitit 2020. Aktakuza ndaj tyre lidhur me pretendimin për krime lufte, është konfirmuar më 26 tetor 2020, ndërsa në paraqitjet e tyre të para në Dhomat e Specializuara në Hagë ata janë deklaruar të pafajshëm.
