Specialistët e Trafikut Urban dhe Interurban pranë DVP Korçë bënë arrestimin në flagrancë, për veprën penale “Drejtimi i automjeteve në mënyrë të parregullt”, të dy personave Feridon Likaj dhe Bilken Malelli.
Likaj 53 vjeç, banues në Pogradec, u vu në pranga pasi u kap në rrugën Qafë Plloçë-Pogradec, pranë fshatit Buçimas, duke drejtuar pa leje një motoçikletë tip “Suzuki”, pa targa dhe pa dokumentacionin përkatës.
Nga ana tjetër, Malelli, 29 vjeç, banues në fshatin Zvezdë, Maliq, është arrestuar nga policia pasi u kap në aksin Korçë-Dishnicë, duke drejtuar automjetin tip “Benz”, në gjendje të dehur.
Së fundmi, lidhur me ngjarjen materialet i kaluan Prokurorive të Rretheve Gjyqësore Pogradec dhe Korçë, për veprime të mëtejshme.
