Bashkia e Tiranës vitin tjetër do të hapë procedurat për kredi të buta. Veliaj tha se do të vendosë një milion dollarë për dhënien e 2 mijë kredive të buta.
Veliaj: Duke filluar nga viti tjetër, Bashkia e Tiranës do të vendosë një milion dollarë për dhënien e 2 mijë kredive të buta, çka do të bëjë të mundur që bankat të gjenerojnë mbi 60 milion dollarë në tregun imobiliar, kurse 2 mijë familje të reja do të marrin apartamentin e tyre në Tiranë, ndonëse qeveria qendrore e ka pezulluar programin e kredive të buta për shkak të abuzimeve që kanë ndodhur në të kaluarën, ku deputetë dhe drejtorë të rëndësishëm merrnin kredi të buta. Bashkia e Tiranës, duke qenë se i ka sistemuar financat e veta, do ta fillojë e pavarur nga qeveria qendrore projektin e kredive të buta. Nga viti tjetër, nëse një çift i ri dëshiron të blejë një shtëpi në Tiranë, do të mund të aplikojë për kredi të butë në Bashkinë e Tiranës. Në këtë konvikt kanë ndodhur disa transformime shumë të rëndësishme. I pari ka të bëjë me lirimin e hapësirave publike sepse nga ky vit, Bashkia e Tiranës ka marrë përsipër administrimin e konvikteve për nxënësit dhe studentët.
