Ministrja për Marrëdhëniet me Parlamentin, Elisa Spiropali i është përgjigjur deklaratave të kreut të PD Sali Berisha, teksa ky i fundit hodhi akuza ndaj qeverisë. Spiropali tha se opozita nuk ka hallin e qytetarëve, “por të shtëpisë së vet”, ndërsa akuzoi Berishës se “jep leje për vrasje”.
“Nuk po ju përgjigjem siç e meritoni sepse “historia nuk përsëritet asnjëherë njësoj, njëherë vjen si tragjedi, herën e dytë si komedi”, kjo që dëgjuam ishte për të qeshur. Publiku është i detyruar të dëgjojë këtë batare nga frika dhe halli i një njeriu të vetëm, opozita e marrë peng nga dy njerëz, po nuk kemi mundësi e as dëshirë të merremi më këta përditë sepse inkoherenca e tyre është ulëritëse. Këta i përgjigjen hallit, jo çështjeve. U ul në këtë anë të parlamentit deputeti botës tjetër dhe pretendoi se është përfaqësuesi i socialistëve, por socialistët kur shohin atë shohin një thepshqepës. Ky i jep lejet për vrasje, prandaj u ngrit ajo zonja e moshuar dhe tha më jep leje… Këta që nuk guxuan një herë të bëjnë transparencën e plotë të figurave. Në 2015 ishim ne që e kaluam atë ligj, jo ju. U la aty një vjegë, po mo e pranoj që u la një vjegë që jepte mundësinë që atyre që kishin kaluar kontrabandëshe që të mbesnin në politikë, po s’ka më”, tha ajo.
Kjo deklaratë nxitin reagimin e deputetit demokrat Edmond Spaho, i cili me ironi i tha ministres se: “Doja të qetësoja zonjën Spiropali, ty nuk të vret njeri se nuk vlen”.
