Ata shisnin drogë, përfshirë hashash, kokainë, marihuanë edhe gjatë karantinës kur e gjithë Italia kishte ulur grilat dhe njerëzit ishin në shtëpi. Bëhet fjalë për një bandë italo-shqiptare, e cila vijonte e qetë “punën” e shpërndarjes gjatë karantinës ndonjëherë edhe duke u shtirur si delivery restorantesh.
Por sipas mediave italiane, ata nuk kanë dorëzuar ushqime në shtëpi, kanë fshehur lëndën narkotike në çantat e shpinës duke i shpërndarë në destinacionet e caktuara. Por, mëngjesin e sotëm, efektivët e policisë, pas një hetimi të hollësishëm, identifikuan shpërndarësit e drogës, gjithsej 8, dhe i arrestuan (4 në burg, 4 në arrest shtëpie). Të gjithë, përfshirë italianë dhe shqiptarë, dyshohen rëndë për pozita të ndryshme të trafikut të lëndëve narkotike si kokainë, hashash dhe marihuanë.
Hetimet nisën me monitorimin e vazhdueshëm të shesheve tregtare të kryeqytetit, veçanërisht në zonat Alessandrino – Togliatti. Dhe agjentët mundën të verifikonin se disa furnizoheshin nga një grup shtetasish shqiptarë, të cilët vepronin në zonën e Montespaccato-s. Disa shtytës në fakt, kishin pretenduar se ishin delivery, ata kishin pajisur skuterët dhe kështu kishin anashkaluar kufizimet në udhëtim.
Grupi kriminal shqiptar ishte i strukturuar mirë, sipas rregullave të organizatës klasike kriminale që synonte trafikun e drogës. Dhe kështu mundi të importonte sasi të mëdha droge, për t’u rishitur në sasi më të vogla, deri në shitje me pakicë në rrugë.
Në një ndarje në karrocën e një makine, agjentët gjetën dy mbështjellës të punuar me shirit parcelash kafe, brenda të cilave kishte kokainë. Në dy raste të veçanta, gjatë hetimeve, është sekuestruar totale kg 3.5 lëndë narkotike e llojit kokainë. Por janë kryer edhe disa sekuestrime të sasive të vogla të drogës si marihuanë dhe kokainë.
Si të mos mjaftonte kjo, u përgjua një paketë postare, drejtuar një të arrestuari, me veshje personale, mes të cilave edhe një rrobabanjo, në qepje kishin fshehur copa hashash. Tani është zbuluar banda italo-shqiptare. Dhe planet e tyre u prishën sepse katër janë në burg, të tjerët në arrest shtëpie.
