Partia Demokratike nuk do ta bojkotojë seancën e sotme plenare, por do të zgjedhë ligjet e veta. Lulzim Basha mbledh grupin parlamentar për seancën e jashtëzakonshme për ligjin e vetingut.
PD bën me dije se do të mbrojë amendametet e veta dhe se seanca e sotme plenare pritet të jetë e gjatë.
Ne 17:00 Seanca
Ditën e sotme në orën 17:00 do të mbahet seanca e jashtëzakonshme plenare, e cila do të shqyrtojë dhe miratojë projektligjin “Për rivlerësimin kalimtar të gjyqtarëve dhe prokurorëve në Republikën e Shqipërisë“.
Ky ligj është ligji i parë, i cili do të shoqërojë paketën e ndryshimeve kushtetuese, për ta bërë të mundur zbatimin e reformës në drejtësi.
Një ditë më parë, ambasadori i SHBA-së Donald Lu dhe ajo e BE-së Romana Vlahutin zhvilluan një takim me kryetarin e Kuvendit, Ilir Meta. Po dje, Lu u takua paradite me kryetarin e Partisë Demokratike, Lulzim Basha, në selinë blu.
Ditën e djeshme Partia Demokratike dorëzoi zyrtarisht në Kuvend 75 amendamentet e plota mbi ligjin për rivlerësimin kalimtar të Gjyqtarëve dhe Prokurorëve.
/oranews.tv/
