Kombëtarja spanjolle përgatitet për sfidën me Belgjikën dhe atë eliminatore të Botërorit me Lihtenshtejnin. Qendërmbrojtësi i Barcelonës Pique është bashkuar me skuadrën e Julen Lopetegui, por prania e tij në këto sfida është vënë në dyshim nga stafi teknik i “La Rojas” për shkak të gjendjes së tij fizike.
29-vjeçari u largua nga fusha e lojës në përfundim të sfidës mes Atletico Bilbao-s dhe Barcelonës me probleme në këmbë, të cilën e kishte të fashuar.
Pique do t’iu nënshtrohet ekzaminimeve mjekësore, por do të jetë stafi i mjekëve në përfaqësuesen spanjolle ai që do të vendosë nëse mbrojtësi do të jetë në gjendje që të luajë dy ndeshjet e ardhshme te Spanja, dhe a do të jetë gati për sezonin e ri .
