Kanë dalë detaje të tjera në lidhje me atentatin e dështuar të mesditës së djeshme në lagjen 13 të Durrësit. Mësohet se Akil Nerjaku i cili ishte shënjestra e atentatit, është një emër i njohur për policinë pasi merrej me transportin e lëndëve narkotike në zonën e Shijakut dhe Durrësit.
Bëhet me dije se, shënjestra njihej me nofkën “Kili”. Ndërkohë që policia mbajti të fshehtë atentatin, duke raportuar vetëm për një plumb që kishte kapur makinën e një shtetasi maqedonas, ngrihen dyshime nëse të shtënat me snajper ndaj Akil Nerjakut ishin të dështuara, apo një lloj paralajmërimi për këtë të fundit që të mos ndërhyjë më në pazaret e drogës.
