Jasper Cillessen është portieri i ri i Barcelonës. Ai që pësoi dje 4 gola në humbjen e Ajaksit ndaj Rostovit në paraeliminatoret e Champions League gjendet tashmë në Spanjë.
Portieri holandez kaloi vizitat mjekësore dhe do të konkurrojë me gjermanin Andre Ter Stegen për një vend titullari në formacionin e Luis Enrique.
Cillessen u ble për 14 milionë euro dhe do të nënshkruajë një kontratë 5-vjeçare me katalanasit.
Po sot, Claudio Bravo, i cili vetëm para disa ditësh zhvilloi ndeshjen e tij të fundit me kampionët e Spanjës, do të zyrtarizohet si portieri i ri i Manchester City.
