Tre të rinjtë që dhunuan dhe tentuan të digjnin me benzinë një 16-vjeçare kanë dalë para Gjykatës në Tiranë. Mësohet se gjatë seancës së sotme, është caktuar masa e sigurisë për të dashurin e 16-vjeçares si dhe për dy shokët e tij.
Në arrest me burg është lënë Ardit Çela, ndërsa për dy shokët e tij Enea Xhori dhe Dean Matja është caktuar masa e sigurisë detyrim paraqitje. Gjatë seancës së sotme, Çela ka mohuar akuzat e tij se tentoi që të digjte të renë, duke thënë se shkoi vetëm për tu sqaruar me atë. Po ashtu ai ka theksuar se ai thjesht ka dashur që ta trembë.
Ngjarja e rëndë ndodhi dy ditë më parë në kryeqytet. Fillimisht u arrestua 25-vjeçari Ardit Çela, i cili pretendonte se kishte lidhje dashurie me të miturën. Bashkë me dy shokët e tij, Enea Hoxhën dhe një 17-vjeçar, rezulton sipas policisë se ata e kanë rrahur fillimisht vajzën pranë një pallati në kryeqytet dhe më pas e kanë futur në bagazhin e makinës duke tentuar djegien e saj me benzinë.
Ka qenë e mitura ajo e cila bërë kallëzim ndaj bashkëjetuesit së saj dhe shokëve të tij për ngjarjen e cila fatmirësisht nuk përfundoi në tragjedi. Sipas saj, i dashuri e ka spërkatur me benzinë poshtë pallatit të banesës së saj. Fatmirësisht, tre të rinjtë nuk mundën që t’ia arrinin qëllimin që kishin.
