Ditën e djeshme në plazhin e Korintit u mbyt në prani të babait shqiptar një vogëlushe. Babai i 6-vjeçares së ndjerë ka mohuar sërish se ka dashur të vrasë të bijën. Ai është lënë i lirë me kushte kufizuese, pasi u arrestua nga policia greke.
Për mediat greke ai është shprehur se nuk ka dashur në asnjë moment të dëmtojë fëmijët e tij.
“Ajo që ka ndodhur ia kam thënë një nga një prokurorit dhe është e vërteta. Nuk do ta dëmtoja fëmijën, e adhuroja. E adhuroja fëmijën tim, ishte forca ime.”, 42-vjeçari, ndërsa shton se ai dhe gruaja e tij nuk kanë asnjë problem.
“Unë dhe gruaja ime nuk kemi asnjë problem, nuk kemi asnjë akuzë mes nesh. Ne jemi bashkë në atë që na ndodhi. Unë e pata fëmijën për një muaj rresht. Vija nga puna çdo pasdite dhe e merrja”, thekson 42-vjeçari.
Trupi i pajetë i të voglës do të përcillet nesër për në banesën e fundit në Shqipëri, por ai nuk mund t’i japë lamtumirën, pasi nuk i lejohet të dalë nga Greqia për shkak të hetimit.
