Beteja mes dy fiseve Çapja dhe Mema ka përfshirë edhe persona të tjerë në historinë e tyre të hakmarrjes.
Një prej tyre është edhe Gentian Beqiri. Ai u vra në vitin 2012 në gjumë, edhe pse ruhej nga dy policë, duke qenë se ndodhej nën masën e “arrestit shtëpiak”. Beqiri akuzohej nga fisi Çapja, se kishte marrë pjesë në vrasjen e Sokol Çapjas. “Ma vranë djalin në gjumë, do të marr hak”.
Kështu ulërinte Hajrie Beqiri, atë mëngjes gushti të katër viteve më parë, kur vrasësit e ruajtën gruan e moshuar deri sa doli nga shtëpia. Ajo shkonte përditë në treg, blinte ndonjë gjë dhe i gatuante të birit që i kishte dalë në “arrest shtëpie” dhe që ruhej edhe me policë në hyrje të pallatit.
Vrasësit hynë në familjen Beqiri, vranë Gentianin në gjumë dhe më pas dhunuan edhe të atin. Genti ndërroi jetë në banesë, ndërsa babai i tij, një orë më vonë vdes në spital. E njëjta gjendje ankthi si mbrëmjen e djeshme e pushtoi vendin edhe nga ajo ngjarje, por policia u mjaftua me arrestimin e dy policëve dhe më pas me akuzat se vrasjen e kishte organizuar dhe kryer në bashkëpunim Florenc Çapja, nipi i Sokol Çapjas, i cili ishte ekzekutuar në vitin 2005 në Elbasan.
Ndonëse policia akuzoi për atë vrasje pikërisht Gentianin, më vonë asnjëherë nuk u mor vesh se kush ishte autori, meqë Gentiani doli në arrest shtëpie..Tema.al
