Gjendet në Kinë ura prej qelqi më e gjatë dhe më e lartë në botë. Ura ka një lartësi prej 300 metrash mbi tokë dhe një gjatësi prej 430 metrash dhe lidh dy shkëmbinjtë malorë, të njohur si malet Avatar, në provincën Hunan. Ndërtimi i saj ka përfunduar në dhjetor dhe ka kushtuar 3.4 milionë dollarë.
Sipas vizitorëve ura të fal adrenalinë të madhe por edhe siguri njëkohësisht. Biletat për të kaluar urën kushtojnë vetëm 20$ dhe ajo ka kapacitetin të mbajë jo më shumë se 8000 veta. Ndërsa zyrtarët raportojnë se ura e projektuar nga arkitekti izraelit, Haim Dotan, ka vënë tashmë rekordin botëror për arkitekturën dhe strukturën e saj.
