Një situatë skandaloze ajo që po ndodh në lagjen e “Ali Demit” në kryeqytet. Në zonë kanë plasur ujërat e zeza, duke vërshuar në rrugë.
Situata vijon prej dy ditësh e njëjtë dhe është kthyer në shqetësim për banorët e zonës dhe kalimtarët, duke rrezikuar edhe një epidemi të mundshme në këto ditë të nxehta.
Nga ana tjetër, nga Bashkia e Tiranës e drejtuar nga Erion Veliaj, nuk ka marrë asnjë masë duke e lënë gjendjen të degradojë.
Probleme të ngjashme janë të shpeshta në kryeqytet me bashkinë që duket e pafuqishme për t’i zgjidhur, pavarësisht shpenzimeve të majme buxhetore që shpenzon në tenderat për mirëmbajtje.
