Ish-deputeti i Partisë Demokratike, Myslim Murrizi, ka publikuar mesazhin e një qytetari, i cili denoncon korrupsionin në qendrën shëndetësore të Divjakës.
Sipas mesazhit të qytetarit, aparati i grafisë në këtë qendër shëndetësore nuk punon dhe pavarësisht këtij fakti paguhen 5 persona pa qenë fare në punë, për shërbime që nuk ekzistojnë.
Në denoncim, theksohet se kryeinfermieri Jorgaq Duka, që prej dy vitesh edhe pse ka një urdhër shkarkimi nga Drejtoria e Shëndetit Fier, ai vazhdon të paguhet si kryeinfermier në këtë qendër shëndetësore.
Më tej, në mesazhin e publikuar nga Murrizi theksohet se punësimi i mjekëve dhe infermierëve në këtë qendër shëndetësore janë bërë nën “kujdesin” e ish-drejtoreshës së shëndetit Lushnje, Laureta Xhafa, që tani është bërë drejtoreshë e spitalit Lushnje.
Postimi:
Një “ kujtesë” për dy Deputetët e Divjakës dhe Ministren e Shëndetësisë Manastirliu:
Përshëndetje Z. Myslim,
Po ju jap një informacion për korrupsionin që bëhet në qendrën shëndetësore të Divjakës.
Qendra Shëndetësore e Bashkisë Divjakë është kthyer në një institucion ku paguhen pa punuar fare militantë të partisë dhe ata që ndajnë pagën me kapot që i mbajnë në listëpagesë.
Prej vitit 2016 kur u “ inagurua” me daulle e saze në prani të liderit suprem, aparati i grafisë nuk ka punuar kurrë dhe qytetarët e kësaj bashkie shkojnë në Lushnje apo Rrogozhinë për një grafi.
Megjithëse grafia nuk punon, aty paguhen 5 persona si punonjës të grafisë me në krye një “grafiste” nga Ballagati.
Prej vitesh, në këtë qendër shëndetësore, si kur ishte shefe Besa dhe tani që është shef Ardjani, paguhet me 650000 lekë në muaj një që ka mbaruar për biologji si mjeke labaratori, pa ardhur asnjë ditë në punë.
Kjo “mjekja” ka labarator privat në Peqin, Lushnje dhe Tiranë me emrin “Harrison Lab” dhe vjen në Divjakë një herë në muaj për të marrë ose për të ndarë rrogën me ata që e mbajnë në listëpagesë.
Mjekja quhet Ilda Kullolli dhe vjen me makinë të kuqe, me targa AA 345 RH, që është në pronësi të kompanisë “Met-Pharma” dhe me një opel të zi, me targa AA 259 MN, që e ka në emër të saj.
Egageja për zemrën nuk punon, por mjek për egagen paguhet.
Listëpagesat e “mjekëve” dhe infermierëve që paguhen pa qenë në punë apo që paguhen për shërbime që nuk ekzistojnë fare në këtë qendër shëndetësore si grafia apo eko e zemrës, por edhe kësaj Ilda Kullollit si “mjeke” laboratori i bën me “kujdes” kryeinfermieri Jorgaq Duka, që prej dy vitesh edhe pse ka një urdhër shkarkimi nga Drejtoria e Shëndetit Fier, prej vitesh ai vazhdon të paguhet si kryeinfermier.
Punësimi i Mjekëve dhe infermierëve në këtë qendër shëndetësore janë bërë nën “kujdesin” e ish-drejtoreshës së shëndetit Lushnje, znj. Laureta Xhafa, që tani është bërë drejtoreshë e spitalit Lushnje.
Po të drejtohem ty Z. Myslim, se deputët Erjoni që bën “opozitë” për shalqirin nuk besoj që publikon gjë të keqe për Divjakën, ndërsa “deputetja” e Lulit dhe e disa Lulave që është edhe vetë mjeke, nuk ka këllqe të flasë, të shkruajë apo të denoncojë asnjë gjë për Divjakën, se është “pajtuar” me pushtetin e Divjakës dhe ka hallin që pas tre vjetësh të bëhet vetë përgjegjëse e kësaj qendre shëndetësore.
I bëj thirrje ministres së shëndetësisë Zj Manastirliu që t’i verifikojë këto abuzime nëse është e “lirë” dhe të mos paguajë miliona lekë nga taksat e Shqiptarëve për njerëz që nuk vijnë në punë apo paguhen për shërbime që nuk ofrohen fare.
