Kreu aktual i Partisë Demokratike, Sali Berisha ka publikuar në profilin e tij në Facebook, një mesazh të një qytetari i cili i rrëfen për takimin sekret të kryeministrit Edi Rama me administratoren e inceneratorit të Tiranës, Arjola Kodra.
Në denoncim, qytetari shprehet se posedon dhe fakte nga takimi i tyre në Dubai (biletën e Arjola Kodrës). Më tej, Berisha shkruan se administratorja e inceneratorit të Tiranës, me mbështetjen e Ramës refuzoi të paraqitej në komisionin hetimor parlamentar për të dhënë dëshminë e saj pas denoncimit të aferës korruptive nga ana e opozitës.
“Një pyetje për Edi Ramën!
A je takuar në Dubai me Zj. Arjola, administratoren zyrtare të djegësit të Tiranës?
Qytetari dixhital pyet Edi Ramën:
A jeni takuar në Dubai me Zj. Arjola Kodra?
Çfarë porosish i keni dhënë asaj?
Lexoni mesazhin gozhdues të qytetarit dixhital.
Përshëndetje Doktor Berisha. I thoni Edi Ramës se mos vallë është takuar me administratoren e inceneratorit të Tiranës në Dubai dhe i ka lënë porositë e tij se si duhej të veprohej? Mos janë takuar vallë në muajin mars në Dubai, fill pasi Arjola Kodra, administratorja e inceneratorit të Tiranës refuzoi të paraqitej në komisionin hetimor parlamentar për të dhënë dëshminë e plotë?
E sigurtë Doktor Berisha që Rama do gënjejë e do thotë nuk është e vërtete, por unë po ju nis një kopje të biletës së udhëtimit të Arjola Kodrës në Dubai në date 6 mars dhe kthimin në date 15 mars dhe ndërkohë Edi Rama ka qene në datë 9 mars së bashku me kabinetin e tij të hajduteve në Dubai. Ju garantoj se Rama dhe administratorja e inceneratorit të Tiranës e emëruar nga Klodian Zoto dhe Mirel Mërtiri, janë takuar për pazaret e fundit në Dubai.
Kjo është arsyeja përse nuk ndalojnë pagesat për inceneratorin e Tiranës…
Ju lutem anonim Doktor Berisha se këta janë maskarenj.”-shkruan Berisha.
