Atëherë kur më shumë e pamundur, mrekullitë ndodhin. Kjo mund të vërtetohet fare mirë me një rast të fundit të publikuar nga Franca. Një 62-vjeçar francez mbijetoi për 16 orë në det duke përdorur një flluskë ajri brenda varkës së tij pasi ajo u përmbys. Anija 12 metra e gjatë, e cila ishte nisur nga kryeqyteti i Portugalisë, Lisbona, dërgoi një sinjal alarmi të hënën në mbrëmje nga Oqeani Atlantik.
Rojet bregdetare spanjolle gjetën varkën e përmbysur, por deti ishte shumë i trazuar për ta shpëtuar kështu që marinari duhej të priste deri në mëngjes. Mbijetesa e tij ishte “në kufijtë e së pamundurës”, thanë zhytësit e rojes bregdetare. Varka e tij dërgoi një sinjal shqetësimi në orën 21:23 me kohën lokale të hënën nga ishujt Sisargas, pranë rajonit veriperëndimor të Galicisë të Spanjës. Një anije shpëtimi me pesë zhytës si dhe tre helikopterë u nis për të gjetur dhe shpëtuar 62-vjeçarin, emri i të cilit ende nuk është bërë i ditur.
Të nesërmen, 2 zhytës notuan nën varkë për të ndihmuar marinarin, të cilin e gjetën të veshur me një kostum mbijetese dhe të zhytur në ujë deri në gjunjë. Burri më pas u hodh në ujin e ngrirë dhe notoi nën varkë drejt sipërfaqes së detit. Në një postim në Twitter, Shoqata e Sigurisë Detare dhe Shpëtimit të Spanjës tha:
“Çdo jetë e shpëtuar është shpërblimi ynë më i madh”. Vicente Cobelo, një anëtar i ekipit të operacioneve speciale të rojes bregdetare, tha se marinari u fut në ujë “me iniciativën e tij”. Ai u transportua me avion nga ekipi i shpëtimit dhe u dërgua për pak kohë në spital për kontrolle.
