Policia e Sarandës ka shpallur në kërkim 2 persona, babë e birë me inicialet M. K., 57 vjeç dhe K. K., 30 vjeç, pasi dyshohet se, në Dhërmi, kanë rrahur me sende të forta dhe grushte, për motive të dobëta, personat me inicialet N. L., 31 vjeç, G. D., 40 vjeç dhe O. Z., 21 vjeç, banues në Tiranë. Personat në fjalë po marrin mjekim në Spitalin e Traumës, Tiranë.
Gjithashtu u bë arrestimi në flagrancë i 28-vjeçarin me inicialet M. B., banues në Kuçovë, për veprën penale “Moskallëzimi i krimit”, pasi dyshohet se ka qenë i pranishëm gjatë konfliktit dhe nuk ka kallëzuar ngjarjen. Punohet për kapjen e autorëve.
