Janë zbuluar detaje të reja nga ngjarja e rëndë që ka tronditur Elbasanin këtë mëngjes. Në foton e mëposhtme është 37 -vjeçari, Ramis Mici i cili vrau me thikë bashkëjetuesen e tij në Elbasan. Ngjarja ndodhi mëngjesin e sotëm. Ndërkohë policia është vënë në ndjekje të autorit. Mësohet se Ramis Miçi dhe viktima, Jetlira Elezi bashkëjetonin prej 6 vitesh. Ndërsa dyshohet se ngjarja ka ndodhur për shkaqe xhelozie, pasi prej kohësh ata kishin debate të ashpra me njeri-tjetrin, pasi Ramisi akuzonte Jetlirën për tradhti.
Çifti sapo kishin marrë një banesë me qira në lagjen “Skëndebej” të Elbasanit. Të dy ishin të pa punë dhe punonin sa herë gjenin një punë sezonale. Viktima, Jetlira Elezi ishte nga Belshi. Rastin e rëndë e kanë denoncuar fqinjët që u informuan për ngjarjen. Policia është vënë në kërkim të Ramis Micit i cili u largua nga vendngjarja sapo kreu krimin.
