Të enjten në Kuvend u vendos me shumicë votash largimi i Ish- zëvendës kryeministri Arben Ahmetaj nga posti si numri 2 i qeverisë duke u zëvendësuar nga ministrja Belinda Balluku.
Shkarkimi i tij u miratua me 103 vota pro, ndërkohë që vetëm tre deputetë që ishin të pranishëm në sallë në momentin e votimit, dolën kundër shumicës. Përfshirë dhe opozitës që ra dakord për shkarkimin.
Por sipas Panorama.al ka zbardhur listën e deputetëve që kanë votuar kundër vendimit të kryeministrit Edi Rama. Kanë qenë tre deputetët e dikur Lëvizjes Socialiste për Integrim, Monika Kryemadhi, Petrit Vasili dhe Erisa Xhixho ata që kanë ngritur ‘kartonin’ e kuq për shkarkimin e Ahmetajt.
Për arsye që nuk dihen, ata kanë vendosur që të votojnë kundër për ndryshimet në qeveri të vendosura nga kryeministri Edi Rama. Ky i fundit, në vend të Ahmetajt vendosi Belinda Ballukun, e po ashtu shkarkoi kryenegociatorin Zef Mazin, duke ia lënë vendin e tij, Majlinda Dhukës.
