Kryetari i Partisë së Lirisë, Ilir Meta ka bërë sot një denoncim që i është adresuar nga disa qytetarë të Tepelenës, ku 1.5 km rrugë në By-Pass do të kushtojë sipas tij 28 mln euro. Deklarata e tij u bë gjatë një konference për mediat që po mban nga selia e Shtëpisë së Lirisë.
“Është koha që t’i jepet fund kësaj qeverisje, në mënyrë që fëmijët të rriten këtu, në kujdesin e prindërve, të shoqërisë, për një arsim cilësor. Së dyti, kjo kërkon një angazhim të fortë për luftën kundër korrupsionit. Sa i takon korrupsionit, baza e triumfit të lirisë, dua të falënderoj qytetarë nga Tepelena që kanë denoncuar një situatë të rëndë në Tepelenë ku 1.5 km rrugë By-passi pa TVSH ka kushtuar 23 mld euro. Hajdutllëk i tmerrshëm thotë një qytetar. Nuk është e mora vetëm për bazë atë denoncim, pasi bëra verifikim se vlera e kontratës është 2 mln e 389 mln lekë pa TVSH, 24 mln lekë. Ishte planifikuar që të dilte nga krahu tjetër i lumit, 11 mln euro. Shkon 28 mln euro për 1.5 km. Ne do t’i denoncojmë dhe do t’i ndjekim këto plaçkitje në mënyrë profesionale. Në këtë forcë politike do të promovohen ata që kanë prova me fakte”, tha Meta.
