Ish-kryeministri Sali Berisha jashtë dyerve të Kuvendit zbuloi se do të niset drejt Mirditës për festuar 100 vjetorin e vendosjes së marrëdhënieve mes SHBA-së dhe Shqipërisë.
“Këta nuk njohin askënd para vjedhjes. Ndaj dhe sot nuk lejojnë parlamentin të diskutojnë. Sot po nisem për në Mirditë. Do festoj 100 vjetorin e vendosjes së marrëdhënieve me SHBA. Unë do ta festoj me shqiptarë të vërtetë dhe jo me nëpunës të paguar që vijnë aty për të ruajtur vendin e punës. Të festosh për marrëdhëniet me SHBA me Edi Ramën dhe Taulant Ballën është njësoj si të shkosh me Saimir Tahirin në shtëpinë e bardhë”, deklaroi ai.
Ndër të tjera, ish-kryeministri Sali Berisha deklaroi se kreu i qeverisë Edi Rama nuk lejoi debatin në Kuvend për shkarkimin e Arben Ahmetajt nga posti i zv/kryeministrit për shkak se nuk donte të lejonte publikimin e dokumenteve për Inceneratorët.
“Edi Rama është firmëtari i famshëm që ka dhënë tenderin e Sharrës 8 pikë. Ja pse nuk lejoi diskutimin se këto du iua thonim me dokumente shqiptarëve. Arben Ahmetaj është strumbullar i kësaj çështje, por bajloz të zinj janë Edi Rama, Ëngjëll Agaçi dhe Erion Veliaj. Ka firmosur duke falsifikuar dokumentin e firmosur dhe duke e paraqitur atë si dokument të të gjitha bashkive të qarkut të Tiranës”, tha Berisha.
