Tre ditë nga ceremonia e betimit ku presidenti i ri Bajram Begaj mori zyrtarisht postin e Kreut të Shtetit, ambasadorja Yuri Kim ka zhvilluar takimin e parë me të. Kim ishte një nga përfaqësuesit diplomatikë që mungoi në ceremoninë e betimit të Begajt.
Detajet nga takimi i ka dhënë vetë presidenti i ri shqiptar i cili shkruan se gjatë takimit të parë me Kim ka diskutuar për forcimin e partneritetit mes SHBA-së dhe Shqipërisë.
“Partneriteti i SHBA dhe Shqipërisë është më i vlefshëm në forcimin e demokracisë dhe prosperitetit. Takimi i parë si President me ambasadoren amerikane Yuri Kim hap rrugën drejt angazhimit të mëtejshëm në zhvillimin e miqësisë mes dy vendeve. #krahperkrah”-shkruan Begaj.
