Deputetja, Mesila Doda, ka dhënë një deklaratë për mediat, pasi ka përfunduar takimi me Lindita Nikollën. Ajo është shprehur se dosja për deputetin I.M që dyshohet të jetë pjesë e Sigurimit të Shtetit duhet të merret seriozisht dhe të bëhen verifikime. Sipas Dodës, kemi dështuar si shtet nëse rezulton që në politikë qëndrojnë persona me të shkuar të errët
“Mbi iniciativën e ardhur nga Autoriteti i Dosjeve, kishim përpara një material me përmbajtje sensitive. Kjo më shtyn të rikthej në memorien tuaj që unë dhe vetë Idrizi kemi propozuar më parë me studentët për hapjen e dosjeve. Është një gjellë e cila nuk mund të kapërdihet. Por lojërat politike kanë bërë që të ketë një paqartësi lidhur me këtë pjesë. Ajo që kërkova nga Nikolla, është të kërkojë nga autoriteti i dosjeve pastërtitë e figurës për 140 deputetët. Nëse pas 32 vitesh ende kemi mes nesh kemi persona me të kaluar të errët në dosjet e sigurimit të shtetit, do të thotë se kemi dështuar si shtet”, u shpreh ajo
Sakaq, ajo ka kërkuar që emrat duhen bërë publikë jo të vendosen inicialet aty. “Unë nuk ju them dot përmbajtjen e dokumentit , por duhet të bëjmë një ligj të fortë që të na ndajë nga ajo periudhë”, u shpreh ajo.
