“Sfidat e sigurisë dhe reformimi i gjeopolitikës” ka qenë konferenca e zhvilluar këtë të hënë në Tiranë, ku i pranishjëm ishte edhe ish-komandati i NATO-s, Gjenerali James Jones. Ky i fundit bëri thirrje për dialog mes vendeve të rajonit, teksa e vuri theksin tek situata në Ukrainë, kërkoi të bëhet më tepër për sigurinë e qytetarëve.
Dialogu është rruga më e drejtë e ruajtjes së marrëdhënieve ndërshtetërore.
Kjo është thirrja që gjenerali James L. Jones, Jr bëri në konferencën me temë “Sfidat e sigurisë dhe reformimi i gjeopolitikës” të organizuar në Tiranë.
Jones, i cili mbajtur detyrën e ish-këshilltar për Sigurinë Kombëtare në administratën e presidentit Obama dhe ish-komandant Suprem i forcave të NATO-s, foli edhe zhvillimet në Ukrainë dhe bashkëpunimin transatlantik.
“Aktualisht jetojmë në një botë ku përplasen demokracia me autokracinë. Kjo pamje u bë e qartë pas agresionit të Rusisë kundër Ukrainës. Në këto kushte bashkëpunimi transatlantik duhet të zgjerohet e forcohet, duke u fokusuar më shumë në teknologjinë 5G, si një faktor që nxit rritjen, por edhe mbron sigurinë e qytetarëve”.
Gjenerali Jones u ndal edhe në nevojën e rritjes së bashkëpunimit ndërkombëtar për mbrojtjen e ekonomive dhe sigurisë prej rreziqeve e sulmeve kibernetike.
I pranishëm në këtë aktivitet ishte edhe ish-ministri i Mbrojtjes, Fatmir Mediu, vuri theksin tek çështjet e sigurisë, që sipas tij i tejkalon ndasitë politike dhe të gjitha palët duhet të diskutojnë për këto çështje.
Për sekretarin e Përgjithshëm të PS-ë, Damian Gjiknuri, lufta në Ukrainë dëshmoi fundin e globalizmit dhe tregoi se demokracia nuk ishte pa limit.
