Një ngjarje e rëndë ka ndodhur sot në Itali, ku ka humbur jetën një shqiptar. Mediat e huaja bëjnë me dije një i ri shqiptar humbi tragjikisht jetën këtë të shtunë në Itali, pasi u përplas nga treni. Ngjarja ndodhi rreth orës 11:20 të paradites, në Verona.
Viktimë nga kjo ngjarje ka mbetur një 24-vjeçar shqiptar, megjithatë identiteti i tij nuk është bërë i ditur nga mediat fqinje. Ai po kalonte shinat kur u përplas nga treni i linjës Verona-Padova, në afërsi të Caldiero. Autoritetet policore mësohet se kanë nisur hetimet për të zbardhur rrethanat e ngjarjes së rëndë. Aksidente të tilla në Itali janë regjistruar shumë kohët e fundit dhe në disa raste ka pasur viktima me origjinë shqiptare.
