Një vatër zjarri ka rënë gjatë natës në zonën e Shëngjinit, në Knalla. Flakët të favorizuara nga era kanë prekur një pjesë të konsiderueshme të zonës. Si pasojë, janë dëmtuar dy linja të furnizimit me energji elektrike të Shëngjinit grupet e punës, ndërkohë që e gjithë zona ka mbetur pa drita. Sakaq, bëhet me dije se, aktualisht në terren janë grupe të punës së OSHEE-së, që po punojnë për riparimin e kabllove.
“Si pasojë e rënies së zjarrit sot në mëngjes, janë djegur gati 60 metra kabëll, pjese e dy fiderave qe furnizojnë zonën e Shëngjinit ne Lezhe. Grupet e OSSH Lezhë po punojnë intensivisht për zëvendësimin e kabllove të djegur dhe vendosjen në punë të fiderave të dëmtuar dhe rikthimin e energjisë tek të gjithë abonentët. Planifikohet normalizim i situatës brenda 60 minutave”, njofton OSHEE.
Vendi ynë prej ditës është prekur nga disa vatra zjarri, ku shpesh janë vënë në rrezik banesa dhe janë djegur mijëra hektarë tokë.
