Kreu i prokurorisë së Pesaros hedh alarmin: Shqiptarët mafiozët më të rrezikshëm pas : Kamorra mafia napoletane, Cosa Nostra, mafia siciliane, Ndragheta, mafia calabraze, – Sacra Corona Unita, mafia pulieze
Kreu i Prokurorisë së qytetit të Pesaros në Itali, Manfredi Palumbo, thotë se klani i shqiptarëve është Mafia e 5-të që vepron në në Itali. Në një deklaratë për “Corriere Adriatico”, kreu i prokurorisë së Pesaros thekson se alarmin për veprimine mafias shqiptare në Itali e ka dhënë disa herë. Deklarata e prokurorit Manfredi Palumbo, vjen pak orë pas sekuestrimit të 1820 kg marijuanë e arrestimit të 5 shtetasve shqiptarë që trafikonin lëndën narkotike me gomone nga Shqipëria drejt brigjeve italiane.
“Ishte viti 1998, që para 18 vitesh që kam dhënë nga të parët alarmin mbi rrezikun që vinte përtej Adriatikut.
Ishte epoka e zbarkimeve të para në brigjet italiane dhe e kriminalitetit për të fituar me anë të ligjit të terrorit, territore zotërimi për t’i shfrytëzuar për prostitucion e trafik droge.
Maxi operacioni i orëve të fundit për sekeustrimin e një sasie rekord droge shënon një pikë forcë për Prokurorinë e Policinë Italiane”, thekson Prokurori i Pesaros, Manfredi Palumbo.
Ai e identifikon aktivitetin kriminal të organizata shqiptare në Itali si Mafia e 5, pasi në këtë vend ekzistojnë 4 mafie të njohura historikisht:
– Kamorra mafia napoletane, Cosa Nostra, mafia siciliane, Ndragheta, mafia calabraze, – Sacra Corona Unita, mafia pulieze.
