Në tregun e këmbimit valutor vendas, ditën e sotme, euro forcoi pozitat në raport me lekun, pas rënies që shënoi për disa ditë me radhë, ndërsa dollari amerikan humbi terren, krahasuar me një ditë më parë.
Sipas kursit zyrtar të Bankës së Shqipërisë, monedha e gjelbër amerikane zbriti me 0.89 lekë dhe këmbehet me 114.39 lekë, ndërsa euroja u forcua me 0.07 lekë dhe këmbehet me 117.04 lekë.
Paundi britanik, krahasuar me ditën e hënë, zbriti me 0.41 lekë dhe këmbehet në kuotën 137.36 lekë.
Ndërkohë, franga zvicerane këmbehet me 117.92 lekë, ose 0.27 lekë më pak se në fillim të javës.
