Atletja shqiptare Luiza Gega është eliminuar nga garat Olimpike në Brazil.
Luiza Gega nuk u paraqit mirë në baterinë e dytë të garës së 3000 metrave me pengesa. Atletja jonë e përfundoi garën me kohën 9 minuta, 58 sekonda e 49 të qindtat, shumë prapa fitueses së baterisë, Beatrice Chepkoech e Kenias (9:17:55).
Përpara sfidës së saj, mbërmë Luiza Gega deklaroi gatishmërinë e saj në një shkrim në Facebook edhe pse me një dëmtim në tendinë, çka e la mbrapa me stërvitje.
“Gati per neser. Dhe pse ndoshta jo ne 100% te formes time pasi demtimi ne tendine mbas Kampionatit Europian me ka lene pak mbrapa me stervitjen speciale te pengesave perseri do jap maksimumin tim. Jan Lojrat e para Olimpike per mua dhe dua ti shijoj ne maksimum.Gjithsesi sporti per mua nuk mbyllet ketu lojrat e ardhshme vijn me shpejt se ci mendojm dhe une do te vi me synime shume me te medha. Ndihem shume me fat qe kam nje mbeshtetje shume te madhe nga njerzit ku urime pa fund akoma vazhdojn te me vijn. Faleminderit”
