Breshëria e plumbave nga persona ende të paidentifikuar i mori jetën Brilant Martinajt, Diklen Vatës dhe Besmir Hoxhës pasditen e sotme në mbikalimin e Fushë-Krujës.
Makina e 3 të rinjve shpërtheu në flakë pas atentatit dhe si pasojë Martinaj dhe Hoxha u shkrumbuan Brenda automjetit.
Gjithashtu, mësohet se mbas atentatit të rëndë në vendin e ngjarjes policia gjeti më shumë se 60 gëzhoja. Pas heqjes së makinës së djegur të viktimave dhe pastrimit të vendit duken qartë dhe pasojat e atentatit.
Në fotot e siguruara nga Gijotina.com shihen se barrierat mbrojtëse të autostradës Fushë-Krujë – Tiranë janë bërë “shoshë” nga plumbat.
Së fundmi, bëhet me dije se policia ka blinduar Tiranën dhe vijon kontrollet për kapjen e autorëve.
