Grupi Parlamentar i PS-së ka depozituar në Kuvend kërkesën me procedura të përshpejtuar për të futur në seancën e 7 korrikut, kërkesën për të ratifikuar protokollet e anëtarësimit në NATO të Finlandës dhe Suedisë. Kërkesa është depozituar nga Taulant Balla dhe kërkohet që këto protokolle të shqyrtohen në Komisionin e Jashtëm dhe në Komisionin e Sigurisë Kombëtare, ndërkohë që futen për votim në seancën e nesërme.
Me këtë nismë kërkohet të ndryshohet rendi i ditës, dhe të përfshihet kjo çështje e rëndësishme për diskutim dhe votim. Ndërkohë që ditën e nesërme më 7 korrik në orën 19:00, opozita pritet të dalë në shesh për të mbledhur protestën e parë kombëtare.
Nuk dihet nëse me këtë ndryshim të rendit të ditës, seanca plenare do të shtyhet deri pasdite, pasi PD dhe aleatet e saj të jenë në shesh, ndërsa mazhoranca e PS do të qëndrojë në Kuvend për të diskutuar për zgjerimin e NATO-s.