Një 37-vjeçar nga Përrenjasi ka rënë në pranga ditën e sotme pasi, ka falsifikuar materialet zgjedhore me 25 prill. Bëhet me dije se prej kohësh ai ka qenë kërkim dhe vetëm ditën e sotme pas gjurmimeve ka mundur të bjerë në duart e policisë.
Në këtë kudër, specialistët për Hetimin e Krimit Ekonomik dhe Financiar në Drejtorinë Vendore të Policisë Elbasan bënë ekzekutimin e masës së sigurisë “Arrest në burg”, për veprën penale “Falsifikimi i materialeve zgjedhore dhe i rezultatit të zgjedhjeve”.
Nga veprimet hetimore dyshohet se ky shtetas, në bashkëpunim me 6 shtetas të tjerë (të ndaluar më parë), të cilët kanë patur si detyrë numërimin e votave, gjatë procesit zgjedhor të datës 25.04.2021, ka shënuar në tabelat e rezultatit, të dhëna të ndryshme nga ato të fletëve të votimit, me qëllim favorizimin e kandidatëve të subjekteve zgjedhore. Materialet hetimore i kaluan Prokurorisë Elbasan, për veprimet e mëtejshme.
