Inspektori i Agjencisë për Zhvillim Bujqësor dhe Rural, Abri Pajo dhe fermeri Shaban Zaçe e bënë 3 herë brenda furgonit të policisë rrugën nga qelitë e paraburgimit deri në Gjykatën e Korçës për tu përballur me drejtësinë.
Seanca u shty dy herë përgjatë të enjtes dhe paradites së të premtes. Në fund u përballen me drejtësinë pa mbrojtës ligjorë, të drejtë që ua jep ligji dhe që kërkuan ta shfrytëzojnë, por greva e avokatëve ua pamundësoi.
Togat e zeza vendosën që fermeri Shaban Zaçe të vijojë te hetohet në “arrest shtëpie”, ndërsa zyrtari Abri Pajo në qeli. Gjykata e Korçës me tej ia kaloi për kompetencë Gjykatës së Posaçme Anti-korrupsion çështjen e abuzimit me lekët e shtetit për bujqësinë.
