Një aksident ka ndodhur pasditen e sotme në aksin rrugor Levan-Tepelenë, pasi një makinë ka dalë nga rruga e për pasojë janë plagosur 3 persona. Ngjarja ndodhi rreth orës 16:00, në aksin rrugor Levan-Tepelenë, në fshatin Buzëmadh.
Policia bën me dije se 63-vjeçari me inicialet N. Sh., duke drejtuar automjetin tip “Honday”, ka dalë nga rruga dhe për pasojë është dëmtuar drejtuesi i mjetit dhe pasagjerët, 60-vjeçari me inicialet M.M., dhe Dh. Sh., 56 vjeçe, të cilët ndodhen në spital, nën kujdesin e mjekëve.
Grupi hetimor po punon për zbardhjen e shkaqeve të daljes nga rruga.
