Nëpërmjet një videoje të postuar në rrjetin social “facebook”, kryeministri Edi Rama, ka nënshkruar sot Memorandumi i Mirëkuptimit ndërmjet Albgaz dhe kompanisë spanjolle ENAGAS, për t’i hapur rrugë bashkëpunimit mbi një sërë projektesh të Qeverisë Shqiptare në sektorin e gazit. Gjatë fjalës së tij, kryeministri Rama tha se Shqipëria është një vend me 100% energji të ripërtëritshme, por ende nuk është e diverisfikuar, pasi varemi nga moti. Rama po ashtu tha se ditën e nesërme do të inaugurohet parku diellor, ndërsa theksoi se po punojnë për të bërë diçka edhe për energjinë me erë.
“Isha i lumtur ku Pedro fitoi, edhe ai është një njeri nga Ballkani, e njeh Ballkanin. Jemi shumë të gatshëm të forcojmë marrëdhënien dhe të forcojmë bashkëpunimin me Spanjën. Është shumë e mirë për ne, por edhe për ENAGASIN që të jetë pjesë e kësaj. Kjo është arsyeja pse ndoshta ju ndryshova planet. Jemi 100% me energji të ripërtëritshme në Shqipëri, por nuk jemi të diverisfikuar në burimet tona. Varemi nga ai lart. Nëse nuk do të qajë është vërtetë e vështirë. Tani po investojmë në energji diellore. Nesër do inaugurojmë nisjen e ndërtimit të parkut diellor, i pari në rajon. Po punojmë që të bëjmë diçka edhe me erën, por me gazsjellësin transadriatik dhe me situatën që kanë ndryshuar perspektiven, lidhur me gazin ne jemi bërë tërheqës tani na shohin me interes ndryshe. Jemi të lumtur që ka shumë kompani që janë të interesuara” – tha ndër të tjera Rama.
