Një ngjarje e rëndë është shënuar sot në Fier. Burime nga policia bëjnë me dije se një 67- vjeçar është gjetur i pajetë në vendin e quajtur “Vija e ngjalës”.
Ngjarja u raportua pasditen e sotme rreth orës 17:00, në lagjen “Sheq i Madh”, Fier.
Ndërsa viktima është identifikuar me emrin Hamit Hamiti, 67 vjeç, banues në Fier. Nga verifikimet paraprake, dyshohet se mund të jetë rrëzuar aksidentalisht.
Pritet të zbardhen detaje pas ekspertizës mjekoligjore.
Nuk dihet ende nëse i moshuari jetonte vetëm apo me familjarë, për këtë arsye do të merren në pyetje të afërm e të njohur të viktimës.
Grupi hetimor po punon për zbardhjen e rrethanave të ngjarjes.
