Të paktën 13 të vdekur dhe 6 të plagosur është bilanci i një zjarri të madh që shpërtheu mbrëmjen e së premtes dhe mëngjesin e së shtunës në Rouen, të Francës.
Mediat vendase shkruajnë se zjarri ka rënë në një lokal ku po festohej një ditëlindje dhe viktimat janë të moshës 18-25 vjeç. Sipas autoriteteve ngjarja nuk ka lidhje me terrorizmin, por dyshohet të jetë aksidentale. Zjarri fillimisht nisi në bodrumin e lokalit dhe më pas u përhap në të gjithë ambientin.
Policia dhe njësitë zjarrfikëse të emergjencës mbërriten rreth orës 00:50 të mëngjesit sipas kohës lokale dhe pas gati 30 minuta flakët u vunë nën kontroll.
Trupat e viktimave janë transportuar në Spitalin Universitar të Rouen. Njëmbëdhjetë dëshmitarë janë marrë në Sallën e Policisë Rouen të pyeten për të përcaktuar detajet e mëtejshme në lidhje me incidentin.
Ministri i Brendshëm Bernard Cazeneuve, tha se janë duke u zhvilluar hetimet për të përcaktuar shkakun e zjarrit.
Por disa media bazuar në disa burime të siguruara nga hetimet thonë se qirinjtë e tortës së ditëlindjes mund të ketë qenë shkaku i zjarrit që i mori jetën 13 të rinjve.
