Bashkwshorti i 62-vjeçares shqiptare e cila u gjet e vdekur në banesën e saj në Gyzi të Greqisë të shtunën është vetëdorëzuar në polici.
Burri i të ndjerës tha për policinë greke se ishte zhdukur për shkak se nuk kishte letra dhe kishin frikë mos e dëbonin.
Shqiptari u arrestua për qëndrim të paligjshëm në Greqi dhe po hetohet roli i tij në vdekjen e 62-vjeçares por ai pretendon se nuk ka ndikim në vdekjen e bashkëshortes dhe se ajo kishte probleme të rënda shëndetësore.
“Vdiq papritur”, ka deklaruar ai, sipas mediave greke.
Gruaja u gjet e vdekur në dhomën e saj të gjumit në banesën në rrugën Tsopanakou. Policia dhe ambulanca u njoftuan nga vetë bashkëshorti i saj por kur ata mbërritën, ai ishte larguar dhe gjetën vetëm 62-vjeçaren pa shenja jete dhe e nxirë.
